Pisimavuq Kanatami ammalu silaqjauqmi ilisarijausimajuq pilitisimaniga ukiuqtaqtumi ammalu nunaqaqqaaqsimayut pijutigit ammalu uqaujiujivut Inuit isumaqsurunautiginut pijunaqniqaqmatta ammalu piusiqaqmatta.

Inuunikuuvuq Kangiqsualujjuaq, Nunavik (Quebec), Ms. Simon iqanaijalilauqsimavuq uqallakvikmi CBC ukiuqtaqtuq naalautaani (Maanna CBCkut Ukiuqtaqtumi) taisumani 1970-ni. Taikaniituniirami, amisunik iqanaijaaqalautuq aulatsijiuluni Quebecmi Taqranani Inuit Katujiqatigiit ammalu Inuit Tapiriit Kanatami, aulutilauqtanga aajiiqatigiigutautillugu sivuliqpaaq nunataaruti angirutinga Kanatami.Angajuqaangulauqsimajuq Makkivik Corporation, piliriarilugulu atuliqtitauvalianiga James Bay ammalu Quebec Taqranga Angirutiit, ammalu sapijjiniq ammalu atuqtaujumaliqtitiniq Inuit isumaqsurunautinganik pijunautinik iluani angirutit.

Taapkualu singgit nunaqaqqaaqsimayut sivuliuqtit, piliriaqaqsimavut aajiiqatigiigutauniga pigiaqpaliatulugu 1982 niruasiniq Kavamaqaqniqmut Kanataup Maligaqjuangani, ukualu pigiaqtitisimayut nunaqaqaaqsimayut ammalu angirutitigut pijunautinik Kanataup puqtulaangani iqaqtuivik maligitigut Kanatami.

Kiguniagut ilaulilauqtuq aulatsijit katimajingit taapkua Inuit Silaqjauqmi Katimajiit (Maanna Inuit Silaqjuaqmi Katujjiqatigiit), ukualu katimajiuvigijangit maqruiqlluni niruaqtauluni agajuqaap iniganut. Unattauq Kamisinaulautuq Nunavut Atuliqtitauniganut Kamisinat ammalu Atuagaqmut tukimuaktitiqatauluni Kanataup Kavamakkungitta Kamisinanga Nunaqaqaaqsimayut Pijutigilugit.

Taikani 1994 tikillugu 2003, Ms. Simon Iqanaijaaqalauqtuq kigaqtuqtimmarik nunaup asianut silaqjuaq kajuani ukiuqtaqtuq, sivuliqpaaq Inuk iqanaijaaqaqsimajuq kigaqtuqtimmarik nunaup asianu iqanaiyaamik. Taisumaniutilugu, aajiiqatigiigutiqalauqtut saqitauqulugit Kanataup Katimajingit. Taikani pijariirami, katimajiuvuq Kanatamiunut kigaqtuqtimmarik Denmark-mi taikanganit 1999 tikillugu 2001.

Pigiaqnigani 2006, Ms. Simon agajuqaagulautuq Inuit Tapiriit Kanatami. Taikani 2008, Taapkua Kanataup Maligaliuqvikjuangani, kiusilauqtuq kigaqtuqllugit Inuit mamianiqmut iliniariatitauvalautunut. Pigiaqtititsimavuq Ukiuqtaqtuqmi Nutaqqat ammalu Makkuktut Tunngavingat ammalu, tikillugu 2014, iksivautaulautuq Kanata Katimajiralaat Inuknik Ilisainiqmut.

Taikani 2017, Ministauvuq kigaqtuqtiuluni, Ms. Simon unikaaqmik tunisilauqtuq Ministanganut Inulirijituqakkut tamatuminga Atuqsiqatigiikniq ukiuqtaqtumi sivuliuqtiunikkut Aaqiksimajutigilugu, aakiqsuinninga iniksanginik pimmariujut atuagat ammalu pilirititijutaujut ikajuqtut ukiuqtaqtumik ammalu nunaqaqtunik.

Amisukkaniit asingilu ilisariyausimajutingit, Ms. Simon pititausimavuq Kanatami ilisirijaujutitaaqsimajuq, ammalu pititausimayuq Kanatami ilisarijaujutitaaqsimajut Quebec-mut. Una ilisarijausimajuq ataniaaluk kigaqtuqtinga Kanatamut, Gulu ilisariyaujuti Greenland, Kanatami Nunaqaqaaqsimayut Pijariiqsisimajunut Ilisaqsiniq tuniyausimajuq, Gulu Kanatami Nunaliriniqmut Katujiqatigiit, ammalu Symons ilisarujaujutaanik pisimayuq.