Takun ka aimitunanut National Residential School Crisis Line (1-866-925-4419) tshetshi aimiek neme miam mishta-neshtuenitamek teu auen tshe uauitshikuiek 24 tatupeikan anitshenat ka itutet ne innu-uasset ka kunenimanit kie mak uikanishuau, utuassimuau, kie tshika uauitamakunau tan tshe ishi uauitshikuiek nete utaua-tshishe-utshimat. Innuat, Essimeuat kie mashinuat ui uauitshikushitau, nishtamenitakau tshetshi matuetauat nete pakushenitamuna-natutamun kaimitunanut tshetshi minuenimiek 1-855-242-3310 kie mak katusseutshitapatakan tshetshi mashinaimueiek auen www.hopeforwellness.ca.
Ne tshishe-utshimau Trudeau, anutshish kashikat issishuepan umenu tapueuan-tshishkᵘ mak tshetshi minu-uitsheutshishunanut:
“ume tapuen kie minu-tapishinun tshishikᵘ,ishkuteu-kukushikuap tshishikᵘ (anite akanishau-assit), ninishtuapatenan nenu ka aietutakutau nenu ka nenekatshianit ka itutet innu-katshishkutamuanitau e akuikuat kie misht-akuikuet anitshenat Innuat- Essimeuat kie mashinuat. Nitshissituanan auassat eka nita ka tshiuetau. Nitshissituanan anitshenat innuat ka itutet nete, kie ka mishta matshi-tutanit. Nititamuanan anite uetutetau, tshetshi nikanipinitakan kie shutshiteishkakan ne minu-uitshetun tante nete a papinanut.
“neme 1867 kie 1996, ne tshishe-utshimau aikamᵘ unuitashenepan 150 000 innu-auasse, Essimeuat, mashinua anite uikanishuat, utanussimauat kie apu tshi inniutau utiniunuaua, kie aimitau utaimunuaua kie unishimanipan. Mitshet mitsheta-pupunna nekatshianipan lie anitshishkᵘ tshissitamuat nenu kaietutuanit nenu tshishe-utshimau ukupanieminu Ne minu-tapishinun nemiu ne mukᵘ tshiam tshetshi utat ietapinanut kie tshetshi nishtutakan ka ishi pataikan nete utat: iat ne tshika ui nishtutatshishunanu e tutakuiak anutshish.
“ne Tshishe-utshimau tapuetatshishu tshetshi uitshipimutemat Innua a natukuitshishun, kie nikanishtau nenu tshetshi papeikuau e takussanut tshetshi shutshiteieshkuat. Ekuen, nishaputuepanan e uitshitshet kie tshetshi uitshi-atussemitshit tshetshi tshimatau auasse kie tshetshi mishkuatau nenu eka nita ka tshiuenit, tshetshi tshissinuashtanit ne nikuashkanisse. Anite mashinataue ne tshetshi nashamat ne ka ishi natuenitak ka itashtet ne mashinaikan ne mamaitun ka uauitanikau innu-uassat ka kuenitanitau. Anutshish ume pupun, nuitetan e takut shuniau tshetshi mashikakan ne mitshua-uitanikau ne innu-auassiu kie tshetshi tshissitakan nenu tshishe-utshimau ka pitaik utatusseun kie tshetshi eka nita ishinakuet.
“anutshish, neueuau shash e tshissinuashtakan tapueuan-tshishikᵘ mak tshetshi minu-uitsheutunanut, nimamuitunan kassinu ute e ishpitashkamikat Canada tshetshi tshissinuashtakanit kie tshissiumuanut anitshenat innu-auassat ka utinanit nete uitshuauaut, anitshenat eka nita ka tshiuetau, kie innuat kie anitshenat uikanishimuauat kie innu-assia eshk anutshish kashikat e katshitaukutau ne na utauau-tshishe-utshimau kashakuenimiuet kie ka ui pikunuet ka piteuapinat innu-auasse nete innu-auasset-katshishkutamatsheutshuap. Mamitunenitetau nutim tatipan kie uauitshiushitau tshetshi minunakuet ute e taiak- minu-inniunanut- nete ut minu-tapishinun.”