Ta’n 24-newtajiaql kelo’tasik aqq mu kisi-wksku’tasiktnuk National-e’l Wikultimkewe’l Kina’matnuo’kuo’ml Apoqnmuek Nastaqtek, Etek ta’n 1-866-925-4419, iknmuetoq apoqnmuek nestmalsikewuksin tel-lukwutikl ukjit Mimajultijik aqq ma’wt wikmawaq aqq wesku’tk ta’n tli-kisapskentsk tajikeyimkl apoqnmuekl wejiaql ta’n Kaplno’l ta’n Kana’ta. Amskwesewe’l Nation-el, Inuit-aq, aqq Metis-aq kwilmi’tij teleyimkewey apoqnmasuti ma’wt elt kisi-kisapskenatsk ta’n Ajipjutaqn ukjit Wlo’qn Apoqnmasutiey Nastaqtek mu-awtiktnuk ta’n 1-855-242-3310, ta’n nastek nastaqtek aknutmamk ta’n www.hopeforwellness.ca.

Ta’n Prime Minister, Justin Trudeau, kiskuk elkitkisnek ula klusuaqnek ta’n ukjit National-ey Na’kwek ukjit Teliaqewey aqq Apiksiktuaqn:

“Ta’n tett National-ey Na’kwek ukjit Teliaqewey aqq Apiksiktuaqn, tel-nenasik ma’wt nkutey Nijkewiknejewamuksit A’tlayey Na’kwek, matnmek ta’n pemiaq aqq kesitesk we’tuwe’k ta’n tett wikultimkewey kina’matnuo’kuo’mey telitasik ta’n Amskwesewe’l Nation-el, Inuit-aq, aqq Metis-aq ta’n tett country-eminaq. Mikwite’temketjik mijua’ji’jk ta’n mu apaji-elmita’qepni’k. Kepmite’tmketjik Mimajultijik, ta’n lukwaqna’lukwi’tip mu kisi-wksku’tasiktnuk ewlo’tasimk. Jiksitmaqetl kis-tlipia’ti’titl aqq a’tukwaqnmual, aqq il-mlkuktmi’tij ta’n tett naskwa’tasik awti ta’n apiksiktuaqn.

“Mekwaye’k 1867 aqq 1996, ta’n federal-ey wikultimkewey kina’matnuo’kuo’mey telitasik ki’kajiw ejikla’tasik asoqmtaqtek 150,000 Amskwesewe’l Nation-el, Inuit-aq, aqq Metis-aq mijua’ji’jk wejita’jik wikmawaq aqq utann, aqq tepkisa’lujik ta’n telo’ltimkeweymual, klusuaqnmual, aqq tel-nenujik. Pikwelkik kaqmutmi’tis elmipunqwekl ta’n kepaqsita’simk aqq entmk ta’n tett wkpitnual ta’n ula institution-el. Apiksiktuaqn na mu pasik ukjit apajapa’timk aqq nestmkl ta’n ewpla’tasikl ta’n kis-tlipiaql. Ma’wt na elt ukjit nestmk na ewpla’tasikl me’ telika’luksi’kl kiskuk.

“Ta’n Kaplno’l ta’n Kana’ta na melkuktik ukjit pm-leka’n upmetuk L’nue’kati’l ta’n nepisultimkewe’l telteskemi’titl, eltu’tij mawi-espitek nuta’q ukjit apoqnmuan msit elkusuasik ta’n telteskmk. Siaw-lukwutitesnen ta’n wetnu’kwalsulti’titl ukjit nenuanew mijua’ji’jk ta’n mu elmita’qepni’k ta’n wikultimkewe’l kina’matnuo’kuo’ml. ukjit we’jitun aqq mikwite’tasiktn akutultikl mu-ewikasiktnukl etqutaqnn, aqq ukjit kepmite’tman ta’n nepu’tipni’k. Ula na ukjit siaw-lukwutinen ukjit we’wminen ta’n Teliaqewey aqq Apiksiktuaqn Apanketasikl Wikutasikl ukjit Na’tal-lukwemk. Apanketasikl Wikutasikl ukjit Na’tal-lukwemk, kejikow elmipunqwe’k, ma’wt ninen elt ekinua’taqetiekip suliewey ukjit matnmk wikultimkewey kina’matnuo’kuo’mey petqwasimkewey aqq klo’tmn mikwite’tmk ta’n telipiaqip ula sioqiaq telitasik ukjit kjijitun ma telipiaqip tlitpiaqtnuk ap.

“Kiskuk aqq msit na’kwekl ta’n wejku’waql, Ajipjulkik Kana’takewaq apajapa’sultinew ta’n tett kaqmutmi’tisnikl we’tuwe’kl ta’n wikuktimkewe’l kina’matnuo’kuo’ml, wiaqa’lsin ta’n L’nui-ikana’tasikl National-e’l Na’kwekl ta’n Teliaqewey aqq Apiksiktuaqn teliaql ta’n tett utanemuaq, kinu’tmasi ta’n a’tukwaqnn ta’n Mimajultijik, aqq nasku nikjewiknejewamuksultijik ukjit kepmite’tmanew ta’n msit mijua’ji’jk ta’n lukwaqna’lupnik kisna entu’tipnek mimajuaqnmuowek. Apajapa’sultinej ta’n msit e’tasiw kinu kisi-iknmuetutesnu koqoey ukjit naji-petlewiktn country-eminu - aqq naji-klu’lk wksitqamu — wejiaq teliaqewey aqq apiksiktuaqn.”