ᐃᐍ 24 ᑕᓱᑎᐸᐦᐃᑲᐣ ᑲᓇᐍᐣᒋᑫᐏᐣ ᒦᓇ ᑮᒨᒋᐊᔭᒥᐏᐣ ᒥᓯᐁᐧᑲᒥᐠ ᐁᐧᐡᑲᐨ ᐃᐡᑯᓄᐃᐧᐣ ᒪᒋᓭᐃᐧᐣ ᒋᐃᔑᑭᑐᔭᐣ, ᐊᔭᒪᑲᐣ ᐅᒪ 1-866-925-4419, ᐁᑐᒋᑲᑌᑭᐣ ᐃᓂᐍᓂᐘᐣ ᐊᓂᒥᓭᐏᓇᐣ ᐁᐑᒋᒋᑲᑌᑭᐣ ᐅᐣᒋ ᑲᑮᔕᐳᓑᑲᒧᐘᐨ ᒦᓇ ᐅᑎᐯᐣᒋᑫᐏᓂᐣᐠ ᒦᓇ ᐁᐑᐣᒋᑲᑌᐠ ᐊᓃᐣ ᑫᑮᐅᐣᒋᑌᐱᓇᒪᐣ ᑯᑕᑮᔭᐣ ᒥᓄᔭᐏᐣ ᐑᒋᐦᐃᐍᐏᓇᐣ ᑲᐱᒥᐏᑐᐘᐨ ᐅᑭᒪᐏᐣ ᐅᒪ ᑲᓇᑕ. ᐊᓂᔑᓂᓂᐘᐠ, ᐃᓄᐏᐟ, ᒦᓇ ᐑᓴᑯᑌᐏᓂᓂᐘᐠ ᑲᓇᐣᑕᐘᐸᐣᑕᒧᐘᐨ ᐑᐸᐨ ᐃᓀᐣᑕᒧᐏᐣ ᐑᒋᐦᐃᐍᐏᐣ ᐃᓯᓭ ᑲᔦ ᒋᑮ ᓇᐣᓯᑲᑕᒪᐣ ᐃᐍ ᐸᑯᓭᓂᒧᐏᐣ ᐅᒋ ᒥᓄᔭᐏᐣ ᐑᒋᐦᐃᐍᐏᐣ ᒫᒌᑭᑐᐏᐣ ᐁᑲ ᒋᑎᐸᐦᐃᑫᔭ ᐅᒪ 1-855-242-3310, ᑲᔦᒪ ᐃᐦᐃᒪ ᒋᐅᐣᒋ ᐊᔭᒥᔭᐣ ᐲᐘᐱᑯᐣᐠ ᐅᐦᐅᒪ www.espoirpourlemieuxetre.ca.
ᐊᐍ ᑭᒋᐅᑭᒪ ᑲᓇᑕ, ᒑᐢᑎᐣ ᐟᕒᐅᑐ, ᒧᑯᒼ ᑲᑮᔑᑲᐠ ᐅᑮᐸᑭᑎᓇᐣ ᐅᐍᓂ ᐅᑎᑭᑐᐏᐣ ᐅᐍ ᒣᑿᐨ ᒥᓯᐍ ᑲᓇᑕ ᑮᔑᑲ ᐅᐣᒋ ᑌᐻᐏᐣ ᒦᓇ ᒦᓄᒋᑫᐏᐣ:
“ᒣᑿᐨ ᐅᐍᒥᓯᐁᐧᑲᒥᐠ ᑭᔑᑲᐣ ᐅᐁᐧ ᑌᐯᐤᐃᐧᐣ ᒥᓇ ᒥᓂᓂᑫᐃᐧᐣ ᐅᒋ, ᑲᔦ ᑲᐃᔑᑭᑫᐣᒋᑲᑌᐠ ᒥᐢᑯᐅᓴᐊᐧ ᐱᑕᐁᐧᐡᑭᑲᐣ ᑭᔑᑲ, ᑭᓇᑭᓑᑲᒥᐣ ᐃᐍ ᑭᓌᑲᓑ ᒦᓇ ᑲᐑᓴᑭᓑᑲᑫᒪᑲᐠ ᐃᓯᓭᐏᐣ ᐅᐣᒋ ᐍᓑᑲᐨ ᑭᑭᓄᒪᑫᐏᐣ ᑲᑮᓇᒋᑲᓂᐘᐣᐠ ᐅᐣᒋ ᐊᓂᔑᓂᓂᐘᐠ, ᐃᓄᐏᐟ, ᒦᓇ ᐑᓴᑯᑌᐏᓂᓂᐘᐠ ᐅᒪ ᑭᑕᐦᑮᒥᓇᐣ. ᑭᑲᓄᑫᐏᐣ ᐃᑭᐍᓂᐘᐠ ᐊᐘᔑᔕᐠ ᐁᑲ ᐑᑲ ᐊᐸᐣ ᑲᑮᑮᐍᐘᐨ. ᑲᑭᒌᓀᓂᒪᒥᐣ ᐃᑭᐍᓂᐘᐠ ᑲᑮᔕᐳᓑᑲᒧᐘᐨ, ᐁᑮ ᓇᓀᑲᒋᐦᐊᑲᓀᐘᐨ ᐁᑲ ᑲᑮᑕᔑᐣᒋᑲᑌᐠ ᐱᔑᑿᒋᐦᐃᐍᐏᐣ. ᑭᐱᓯᐣᑕᒥᐣ ᐃᓂᐍᓂᐘᐣ ᑲᑮᔑᒥᑲᒧᐘᐨ ᒦᓇ ᐅᑎᐸᒋᒧᐏᓂᐘ, ᒦᓇ ᐁᑮᐍ ᐊᔓᑕᒪᔭᐣᐠ ᒋᐑᒋᐏᑎᔭᐣᐠ ᐃᒪ ᒦᑲᓇᐣᐠ ᒦᓄᒋᑫᐏᐣ ᐅᐣᒋ.
“ᒣᑿᐨ ᐊᐦᑮᐏᓇᐣ 1867 ᒦᓇ 1996, ᐃᐍ ᑲᓇᑕ ᑭᑭᓄᒪᑫᐏᐣ ᑲᑮᓇᒋᑲᑌᐠ ᐅᑮ ᐅᑕᐱᓇᐘᐣ ᐁᑮᒪᒌᐏᓇᐘᐨ ᐃᓂᐍᓂᐘᐣ ᐊᐘᔑᒣ 150,000 ᐊᓂᔑᓂᓂᐘᐠ, ᐃᓄᐏᐟ, ᒦᓇ ᐑᓴᑯᑌᐏᓂᓂ ᐊᐘᔑᔕᐠ ᐃᒪ ᐅᑎᐯᐣᒋᑫᐏᓂᐣᐠ ᒦᓇ ᐅᑕᔒᑫᐏᓂᐘ, ᒦᓇ ᐁᑮ ᓃᑲᑌᓑᑲᒧᐘᐨ ᐃᐍᓂ ᐅᑎᓇᑲᓀᓯᐏᐣ, ᐅᑎᔑᑮᔘᐏᓂᐘ, ᒦᓇ ᐅᑎᔑᓇᑯᓯᐏᓂᐘ. ᒥᔒᐣ ᐅᑭᐱᒥᑲᓇᐘ ᑕᓱᐊᐦᑭ ᐃᐍ ᒪᐣᓯᓭᐏᓇᐣ ᒦᓇ ᐅᐘᓂᒋᑫᐏᐣ ᐃᑭᐍᓂᐘᐠ ᐱᒥᐏᒋᑫᐏᓇᐣ ᑲᑮᑐᑕᒧᐘᐨ. ᒦᓄᒋᑫᐏᐣ ᑳᐏᐣ ᐁᑕ ᑲᑮᐍᐃᓇᐱᓰᐣ ᐅᑕᓇᐣᐠ ᒦᓇ ᒋᓂᓯᑐᒋᑲᑌᑭᐣ ᐃᓂᐍᓂᐘᐣ ᐘᓂᑐᑕᒧᐏᓇᐣ ᐅᐣᒋ ᐅᑕᓇᐣᐠ. ᑲᔦ ᐃᐍ ᒋᓂᓯᑐᒋᑲᑌᐠ ᐃᓂᐍᓂᐘᐣ ᐘᓂᑐᑕᒧᐏᓇᐣ ᑭᔭᐸᐨ ᐁᐱᒥ ᓄᒋᐦᐃᑯᔭᐣᐠ ᑲᑭᓇ ᓄᑯᒼ ᑲᑮᔑᑲᐠ.
“ᐊᐍ ᐅᑭᒪᐏᐣ ᐅᐣᒋ ᑲᓇᑕ ᐅᑭᒌᓀᐣᑕᓇᐘ ᒋᐑᒋ ᐱᒧᓭᐘᐨ ᐊᓂᔑᓂᓂᐤ ᑕᔒᑫᐏᓇᐣ ᐅᐣᒋ ᒋᓇᐣᑕᐍᐦᐃᑎᓱᐏᐣ ᐱᒥᔭᐏᓇᐣ, ᒋᓇᒋᑲᑌᐠ ᒌᓑᐸᒋᑲᑌᐠ ᒋᐑᒋᐦᐊᑲᓀᐘᐨ ᐁᐣᑕᓱ ᑕᑯᑮᐘᐨ ᐁᐱᒧᓭᐘᐨ. ᑲᐱᒥᑐᑕᒥᐣ ᐃᐍ ᑕᓅᑮᐏᓂᓇᐣ ᒋᐑᒋᐦᐊᔭᐣᐠ ᑲᐃᔑ ᐱᒥᑐᑕᒧᐘᒋᐣ ᒋᑭᑫᓂᒪᑲᓀᐘᐨ ᐊᐘᔑᔕᐠ ᐁᑲ ᑲᑮᐱᑮᐍᐘᐨ ᑲᑮᔕᐘᐨ ᐍᓑᑲᐨ ᑭᑭᓄᒪᑫᐏᓂᐣᐠ, ᒋᒥᑲᐘᑲᓀᐘᐨ ᒦᓇ ᒋᒥᑲᐏᓇᐣᑕᐘᑲᓀᐘᐨ ᐅᐣᒋ ᑲᑲ ᑭᑭᓇᐘᒋᒋᑲᑌᑭᐣ ᓂᐣᑿᐦᐊᑲᓇᐣ, ᒦᓇ ᒋᑭᒋᓀᓂᒪᑲᓀᐘᐨ ᐃᑭᐍᓂᐘᐠ ᑲᑮᓑᑿᐱᒪᑎᓯᐘᐨ. ᒥᐦᐅᐍ ᑲᐃᔑ ᐱᒦᑲᒪᐣᐠ ᑕᔓᑕᒪᐏᓂᓇᐣ ᒋᑐᒋᑲᑌᑭᐣ ᐃᓂᐍᓂᐘᐣ ᑌᐯᐤᐃᐧᐣ ᒥᓇ ᒥᓂᓂᑫᐃᐧᐣ ᑭᒋᐊᓄᑭᓇᑲᐣ ᐅᑲᓄᒋᑫᐃᐧᓇᐣ ᒋᐊᓄᑲᑌᑭᐣ. ᐅᒪ ᑲᓂ ᒪᒋᐊᐦᑮᐘᐠ, ᑭᐑᐣᑕᒥᐣ ᐊᐦᐊᐍ ᔔᓃᔭ ᑲᑮᐸᑭᑎᓇᑲᓀᐨ ᒋᒦᑲᒋᑲᑌᐠ ᐃᐍ ᐍᓑᑲᐨ ᑭᑭᓄᒪᑫᐏᐣ ᐃᓇᒋᑫᐏᐣ ᑲᑲᑌᐻᑕᒧᐘᐨ ᒦᓇ ᒋᒪᓇᒋᒋᑲᑌᐠ ᒦᑵᓂᒧᐏᐣ ᐅᐣᒋ ᑲᑮᓯᓭᐠ ᐃᒪ ᑲᑭᒋᒪᐣᓯᓭᐠ ᐃᓇᒋᑫᐏᐣ ᒦᓇ ᐃᐍ ᐅᑕᓇᐣᐠ ᐃᓯᓭᐏᐣ ᐁᑲ ᒦᓇᐘ ᒋ ᐃᓯᓭᐠ.
“ᓄᑯᒼ ᑲᑮᔑᑲᐠ ᒦᓇ ᑫᓂ ᐱᒥᑮᔑᑲᑭᐣ, ᑲᓄᓇᐠ ᑲᑭᓇ ᒥᓯᐍ ᑲᓇᑕ ᐃᓂᓂᐘᐠ ᒋᐘᐸᐣᑕᒧᐘᐨ ᐃᐍ ᑲᐃᔑ ᐱᒧᓭᒪᑲᐠ ᑲᐃᓯᓭᐦᐃᐍᒪᑲᐠ ᐃᐍ ᐍᓑᑲᐨ ᑭᑭᓄᒪᑫᐏᐣ ᐱᒥᐏᒋᑫᐏᐣ, ᒋᐑᒋᐦᐃᐍᔦᐠ ᐃᒪ ᐊᓂᔑᓂᓂᐘᐠ ᑲᓃᑲᓂᓑᑲᒧᐘᐨ ᒥᓯᐍ ᑲᓇᑕ ᑮᔑᑲ ᐅᐣᒋ ᑌᐻᐏᐣ ᒦᓇ ᒦᓄᒋᑫᐏᐣ ᑲᑐᒋᑲᑌᑭᐣ ᐃᒪ ᐅᑕᔒᑫᐏᓂᐘ, ᑭᑫᐣᒋᑫᐃᐧᐣ ᐅᒋ ᐃᓂᐍᓂᐘᐣ ᐅᑎᐸᒋᒧᐏᓂᐘ ᐃᑭᐍᓂᐘᐠ ᑲᑮᔕᐳᓑᑲᒧᐘᐨ, ᒦᓇ ᒋᑭᑭᓑᑲᒪᐣ ᑲᐅᓴᐘᐠ ᑭᑭᓑᑲᒋᑲᐣ ᒋᐅᐣᒋ ᑭᒌᓀᓂᒪᑲᓀᐘᐨ ᑲᑭᓇ ᐊᐘᐢᑭᔕᐠ ᑲᑮ ᓇᓀᑲᒋᐦᐊᑲᓀᐘᐨ ᑲᔦᒪ ᑲᑮ ᐃᓑᑿᐱᒪᑎᓯᐘᐨ. ᑲᑲᓇᐘᐸᐣᑕᒥᐣ ᐊᓃᐣ ᑲᐃᔑ ᐯᔑᑯᔭᐣ ᒦᓇ ᑲᑭᓇ ᑲᐃᔑᐯᔑᑯᔭᐣᐠ ᑫᑮᑐᑕᒪᐣᐠ ᒋᒥᓄᓭᐠ ᑭᑖᐦᑮᒥᓇᐣ – ᒦᓇ ᒋᒥᓄᓭᐠ ᒥᓯᐍ ᐊᐦᑮᐏᓇᐣ – ᐃᒪᓀᑫ ᐅᐣᒋ ᑌᐻᐏᐣ ᒦᓇ ᒦᓄᒋᑫᐏᐣ.”