Oma kapê-ayi mina kîmôtan Okimâwinahk Ayimihâwi Kiskinwahamâtowikamikohk Ayimipayiwin Sêwêpicikan, ihtakon ita 1-866-925-4419, mêkiw ayimipayiwin kakêskimiwêwin pimipayihtâwina isi Paspîwiyiniwak mîna sa wîtotîmâkana êkwa mâmiskôcikâtêw tânisi isi ta-kahcitinamin kotak wîcihiwêwina ohci Kihci-Okimânâhk Kânata. Nistam-Iyiniwak, Ayaskîmow, êkwa Âpihtawikosisânak ka-natonahkik sêmâk môyêyihcikêwin sîtoskâkêwin ta-kî-mîna kahcitinêw Pakosêyimowin kiki Miyw-âyâwin Wîcihiwêwin mosci Sêwêpicikan ita 1-855-242-3310, ahpô isi cikâstêpayicikanisihk ayamiwin ita www.espoirpourlemieuxetre.ca.

Awa Kihci Okimâw, Justin Trudeau, anohc paktinam ka-pimitisahikâtêk wîhtamâkêwin ohci Misiwêskamik Kîsikâw kiki Tâpwîwina mîna Wâkôwîcihiwîwin:

“Ispîhk Misiwêskamik Kîsikâw kikiTâpwîwina mîna Wâkôwîcihiwîwin, mîna kistêyihtakwan isi Osâwâw Papakiwayân Kîsikâwy, kinakiskâtênaw ôma kinwês mîna kwâtakihtawi mâkohtâwin ohci ayimihâwi kiskinwahamâtowikamikohk pamihcikêwin isi Nistam-Iyiniwak, Ayaskîmow, êkwa Âpihtawikosisânak kitaskînînahk. Ki-kiskisinaw awâsis êka ka-kî-ohci kîwêcik. Ki-kihcêytêminânik Paspîwiyiniwak, ka-kî-kakwâtakihtâcik iyikohk kitimahiwêwin. Ki-nitohtênaw sa kiskêyihtamowina mîna sa âcimowina, mîna ki-âhkamêyihtênaw mêskanawa isi wâkôwîcihiwîwin.

“Tastaw 1867 êkwa 1996, okimâwiwinahk ayimihâwi kiskinwahamâtowikamikohk pamihcikêwin sâkôcihiwêw ka-otinâcik pâsci 150,000 Nistam-Iyiniwak, Ayaskîmow, êkwa Âpihtawikosisânak awâsisak ohci sa wîtotîmâkanwâwa êkwa mâmawâyâwinihk, mîna paskipayihêw ohci sa nêhiyawîhtwâwina, pîkiskwêwina, mîna nisitawêyihtâkosiwin. Mihcêt nîpawîstamwak kinwês kakwâtakêyimowin mîna wanihtâwin êkwânihi ohci kiskinwahamâtowikamikwa. Wâkôwîcihiwîwin namôy êwako piko mosci wâpahtamowin mîna nisitohtamowin ohci kayahtê wanitôtamowina. Êkwânima mîna nisitohtamowin êkwânihi wanitôtamowina kêyapic kitisîhikonân anohc.

“Ôki Kihci-Okimânâhk Kânata oyâpahtam ta-pimohtêt pimic Nêhiyaw mâmawâyâwinihk isi sa nanâtawihowin mêskanasihk, kihcitayihtamowin ka-nîkânêyihtamahk ta-sîtoskahkik itahtwâw sa yahkohtêwin. Niâhkamêyihtênân ta-atoskâtamahk sa âhkamêyimowina ta-nisitawinahcik awâsis êka ka-kîwêcik ohci ayimihâwi kiskinwahamâtowikamikwa, ta-miskawihcik mîna ta-kiskisihk êka ka-kiskêyihtakwahkihk nahinikêwina, mîna ta-kistêyihtâkosicik êkwâniki ka-nipicik. Êwako ôma pahki ohci âhkami oyâpahcikêwin ta-âpacihtahk ôma Tâpwîwina mîna Wâkôwîcihiwîwin Pimohtêstamâkêwin isi Têpwacikâtêwin kiki Kwayaskwâtisiwin. Wîpac ôma askiy, niki mîna wîhtamakânân sôniyâw wîcihiwêwin ta-notinamahk ayimihâwi kiskinwahamâtowikamikohk ânwêyihcikêwin mîna ta-manâcihtayahk kiskisiwin ohci kîkway ka-kî-ispayik sîpâ ôma macêyihtâkwaniwan pamihcikêwin ta-kêhcinahow êka kîhtwâm êkosi ta-ispayik.

“Anohc êkwa nîkânihk, ni-sîhkimâwak Kânata ostahkêwak ta-mâmitonêyihtahk âhkami mâkohtâwin ohci ayimihâwi kiskinwahamâtowikamikwa, ta-mâmawohkamâkêcik isi Nêhiyaw-nîkânêwin Misiwêskamik Kîsikâw ohci Tâpwîwina mîna Wâkôwîcihiwîwin itahkamikisowina pîhci sa mâmawâyâwinihk, kiskayihta ohci âcimowina isi Paspîwiyiniwak, mîna postiksa osâwâw ta-kistêyimihk itahto awâsis ka-kakwâtakihtât ahpô ka-nipit. Mahti mâmaitonêyihta tânisi isi itahto kiyanaw ta-wîcihiwêwiyahk isi nawat miyo-askininahk – mîna katawa askiy – sâpô tâpwîwina mîna wâkôwîcihiwîwin.”